يقطع سكون الزقاق
اللي باصص ع الضريح
صوت تخبيط العيال
فوق العلب الصفيح
بايدين صفيح..وعيون صفيح
وكأنهم ضيق الحياة
كدبة الكون الفسيح
وهو ساند ع السكوت
يتأمل الليل اللي تاه
ساعة ما يخرج م النفق
أول ضفاير النهار
فاتح للصبح الزرار
مع الزمن يدخل سبق
"محتاجة الدنيا تعيد تفكيرها
في الباقي من العمر الجاي
وادي ياطرف لساني
آخر بؤ ف كوب الشاي
باقي التفل
كل الباقي ف كوب العمر
من كتر ما تمر الخلايق
باشت في عنيه الوشوش
والحاجات لما تبوش
نلقي اللي جواها اندلق
حرقة الشمس ف أوجها
معدتش تقدر تلسعه
بس نار قلبه الوحي
"اه يا جفن العين يا أرض بور
ساقية الدمع ف عنيك مش راح تدور
صابها الشلل
وان كان العمر ف نيته
يمد حبة ف سكته
صمته دينه وصبره كونه
يمل الوقت بسكونه
يعلن نهايته في السبق
واما نور الشمس يدبل
وهي تقبل بالغرق
يفتكر كل الجراح
وان يوم من عمره راح
يلقى فجأة خلقه ضاق
قلبه يتحول زقاق
جوه منه بيوت ورق
والزقاق ف قلب حارة
جسمه متغلف مرارة
لو مينفخشي السيجارة
نفسه يقطع م الزهق
اللي باصص ع الضريح
صوت تخبيط العيال
فوق العلب الصفيح
بايدين صفيح..وعيون صفيح
وكأنهم ضيق الحياة
كدبة الكون الفسيح
وهو ساند ع السكوت
يتأمل الليل اللي تاه
ساعة ما يخرج م النفق
أول ضفاير النهار
فاتح للصبح الزرار
مع الزمن يدخل سبق
في الباقي من العمر الجاي
وادي ياطرف لساني
آخر بؤ ف كوب الشاي
باقي التفل
كل الباقي ف كوب العمر
حبة مر"
باشت في عنيه الوشوش
والحاجات لما تبوش
نلقي اللي جواها اندلق
حرقة الشمس ف أوجها
معدتش تقدر تلسعه
بس نار قلبه الوحي
هي اللي خرجت العرق
ساقية الدمع ف عنيك مش راح تدور
صابها الشلل
وان كان العمر ف نيته
يمد حبة ف سكته
ايه العمل؟؟"
يمل الوقت بسكونه
يعلن نهايته في السبق
واما نور الشمس يدبل
وهي تقبل بالغرق
يفتكر كل الجراح
وان يوم من عمره راح
يلقى فجأة خلقه ضاق
قلبه يتحول زقاق
جوه منه بيوت ورق
والزقاق ف قلب حارة
جسمه متغلف مرارة
لو مينفخشي السيجارة
نفسه يقطع م الزهق
